في طريق كل منا الي ذنب ما هناك مساحه من التفكير تتصارع فيها الافكار وتحدد نتيجه هذا الصراع وجهتنا اما الي ان نتلقي كتابنا بأيماننا واما ان نكون من اصحاب السعير...وهذه بعضا من هذه الافكار والتساؤلات ...
......................................................................................................................................
انت مجنون يا بني؟!! انت عايز تعصي ربنا ؟ورايح للمعصيه برجلك؟!لا اله الا الله ...اعقل يابني واستعيذ بالله من الشيطان..انت مش خايف من ربنا؟طب اسألك سؤال مش خايف تموت دلوقتي؟ انت مش عارف ملك الموت هيزورك امتي ...ممكن يكون جاي دلوقتي ...تخيل بقي لو جالك وانت رايح تعمل معصيه مع سبق الاصرار والترصد!!! يابني انت متعرفش ان من عاش علي شيء مات عليه ومن مات علي شيء بعث عليه؟!!!! يعني جنابك لو مت دلوقتي وده وارد جدا ومش بعيد زي ما انت متخيل هتقابل ربنا وانت علي ذنب وعلي معصيه!!!! يالله ....انت متخيل يعني ايه ده؟؟ تخيل ابوك مسافر بقاله عشر سنين وجه من السفر فجاه عشان وحشته ودخل عليك وجدك بتعمل حاجه غلط او مش بيحبها! هيكون احساسك ايه ساعتها؟؟؟ ولله المثل الاعلي ....انت عايز تخاطر انك تقابل ربنا وانت بتعصيه مش خايف ؟مش مكسوف؟يابني بعد ما بنتساب في القبر مفيش حد بيفضل معانا غير عملنا الصالح... بس ....كل الدنيا والشهوات وكل وساوس الشيطان بتروح وتطير خلاص ...بس مش يتروح بعيد هتروح علي خزائن سيئاتك لو مرجعتش عن الطريق اللي انت فيه.....فوق يا بني وخاف واختشي ...لو ساعتك جت متتخيلش حجم الندم اللي هتكون فيه!! اذا كان المحسن بيكون ندماااااااااااااااااااااااااااااااااااااااااااااان انه مزودش عمله الصالح فما بالك يا مسيء؟!!!انت عايز تعصي ربنا؟؟! وانت مين انت يا انسان عشان تعصي الله ملك الملوك ورب السموات والارض؟؟!!انت عايز تقف ادام ربنا وتحربه؟!! يالله... يعني ربنا يقول افعل فلا تفعل ..يقول لا تفعل فتفعل؟! ايه الجبروت والجهل ده؟!!! ايه العند والضياع اللي انت فيه ده يا بائس يا مذنب؟!! خاف من الموت فانه لا يستأذن احد!!!!
....................................................................................................................................
طب سيبك من الموت ...انت عايش يا سيدي ومش هتموت ولسه في طريقك الي الذنب..طب هتعيش ازاي ؟؟!! هتعيش ازاي وربنا غضبان عليك؟؟انت عارف ان انت في وجودك محتاج في كل لحظه ونفس لله عز وجل....انت متقدرش (تكون) من غير ملك الملوك ...هتعيش ازاي بقي وهو غضبان عليك...تخيل ان رب هذا الكون ورب السموات والارض ورب كل ما حولك..غضبان عليك...مش راضي عنك ...مش عايز يبصلك....مش بيحبك ..تعيش ازاي ؟؟ تيجي السعاده منين في حياتك؟؟!! هيكون فيها ايه اذا شلك منها نور ربنا ....فضلك ايه تاني ..انت متعرفش ان من يتقي الله يجعل له مخرجا ويرزقه من حيث لا يحتسب ..؟؟يعني تخيل كام مره كنت مزنوق في موقف ما ...كنت في ضيقه وخنقه وبتدور علي اي مخرج... وبتقول انك مستعد تعمل اي حاجه بس تطلع من المأزق ده بتبقي مستعد تبوس ايادي الناس عشان يساعدوك وسبحان الله ربنا عشان بيحبك وانت غالي عليه بيخرجك من كل ده من غير كل الذل ده عشان انت غالي عليه مجرد ما تقول يارب.... يفرجها عليك علي طول ..انت بقي في طريقك ده هتتحرم من كل الحب ده ..هتعيش مذلول لناس ذيك في دنيا اسمها جي اصلا من الدنو ...دنيا حقيره..زهتدعي ربنا ازاي ...بانهي وش هتقف تقوله ايه هتقوله يارب انت ادتني كل حاجه وساعدتني في كل حاجه وكنت معايا وحفظتني وعشان كده ان بعصيك يارب؟!!! انا بغضبك يارب؟؟؟ انا بقولك لا يارب؟؟؟هتقول ايه؟؟؟؟ تخيل ان مشروعك اللي انت بقالك سنين شغال عليه ولا امتحانك اللي بتذاكرله وانت عارف كويس ان لولا كرم ربنا عليك عمرك ما هتاخد بعملك بس كل اللي انت بتأخده...تخيل ربنا خلاص مش هيقف جنبك فيهم وان كل ده هيضيع خلاص... انت مش رايح تعصي ربنا؟؟ مش خلاص مش عايز تتقيه؟؟ ازاي بقي عيزه يرزقك وينيجك من المحن؟ خاف ربنا يا بني وارجع اتقي الله واستعيذ بالله من الشيطان
.......................................................................................................................................
طب خلاص ان مش هقولك انت عايش ولا هتموت...انا مش هكلمك اصلا...انا هكلم الامل اللي فيك .....هكلم قلبك... يا قلب الم تسأم الظلمه؟؟الا تشتاق الي االنور؟؟يا قلب اما آن الآوان ان تخشع لذكر الله ؟؟؟ياقلب أما آن وقت العلاج ؟؟؟يا قلب أما اشتقت الي فطرتك التي فطرك عليها ربك؟؟ يا قلب اما اشتقت لرؤيه الله؟؟ اما اشتقت للكلام مع الله؟؟ ياقلب اما آن أوان التوبه ؟؟ آما آن آوان الرجوع الي الله؟؟ أما آن آوان البكاااااااااااااااااااااااااااااااااااااااااااااء؟؟ابكي يا قلب .....ابكي علي ما فاتك... ابكي واستغفر الله وتب اليه ....ابكي واطلب منه السماح والرحمه ...ابكي واطلب منه ان يهديك..ابكي واطلب منه ان يقربك منه.... ابكي واطلب منه العوده!! ابكي يا قلب فما لك سواه.
2 توته توته خلصت الحدوته...حلوه ولا ملتوته؟!!:
حينما يكون باقي في داخلك من يقول كل ذلك.....فابشر....لان نفسك من النفوس التي اقسم بها الله عز وجل....انت ثاحب نفس لوامة
مادام سمعت بداخلك من ينادي الى النور فاعلم جيدا ان بقليك المظلم كما تصفة نور ربما يكون ضعيف فلا تراه ولكنه موجودة....فلولا ذلك النور ماكنت سأمت الظلام وكرهته...تمسك بتلك النقطة البيضاء وابذل مافي وسعك لاكبارها
اللهم اهيك وايانا لما يحبة ربي ويرضاه
سبحان الله ربنا عشان بيحبك وانت غالي عليه بيخرجك من كل من كل ده من غير كل الذل ده
قولى فى ايه كلام يكون اروع من كلامك دا انا مش هلاقى كلام ممكن يترد عليك بيه؟
ليك نظرة وطريقة جميلة فى طريقتك لمواجهة نفسك لو كل واحد بيواجه نفسه كدا ؟
تعرف يامصطفى انا مع هبة فى كل اللى قالتهولك وعايزة اقولك انك لو خرجت من الدنيا دى وماعملتش فيها حاجة غير انك بتواجه نفسك كدا دا كفايه لان جهاد النفس هو اعلى مراتب الجهاد فى سبيل الله
يعنى هايكون اعظم انجاز حققته هو "نفسك"بس انا واثقة انها مش هاتكون نفسك وبس وبكرة هاتشوف
اكتر حاجة بحسدك عليها هو ان معظمنا بيكون عارف الكلام دا او بيسمعه بس نادرا ماتلاقى حد خطرت فى باله انه يكتب فى حاجة زى دى او فى اى موضوع انت كتبت فيه لانه بيحس انها حاجة عادية
بس انت غير اى حد يعنى متفرد كدا واى حاجة بتتكلم فيها مش بتخليها عادية ودا بقى اللى بحسدك عليه
جو اون يامصطفى وربنا يلهمك دايما ويعمق نظرتك لاى حاجة اكتر واكتر ويجعلك من المجاهدين لانفسهم دايما
إرسال تعليق